దరి చేరలేని నా విధిని తలచి నా కోసం ప్రార్థించు ప్రియా
భౌతిక ప్రపంచం మనల్ని విడదీసినా, ఊహల్లో తోడుండవా
జ్ఞాపకాల నీడలో నిత్యం నాతో ఉండి నా కోసం ప్రార్థించు ప్రియా
నువ్వు ఇష్టపడనిది ఏదీ నేను ఆశించను, బలవంతం చేయను
నువు లేని నాడు నేను బ్రతకడానికి ఊపిరి పోసి నా కోసం ప్రార్థించు ప్రియా
లోకం గందరగోళంలో ఉన్నా, మనుషులు అజ్ఞానంలో మునిగినా
మనసుల మధ్య దూరం చెరిపి, ప్రేమను చూపి నా కోసం ప్రార్థించు ప్రియా
కాలచక్రం గిరగిర తిరుగుతున్నా, ఈ జీవితపు పరుగు పందెంలో
విశ్వాసంతో గెలవాలని ఈ 'సూర' కోసం ప్రార్థించు ప్రియా