నన్ను నన్నుగా ప్రేమించే, ఓ నేస్తం నాకు దొరికే
ఏళ్ల తరబడి వేచినా, అందని స్నేహం దొరికే!
కౌగిలింతలో కరిగించి, ముద్దులతో మురిపించి
భార్యలా లాలించే, ఓ ఆత్మీయత దొరికే!
నా ఒడిలో తలవాల్చి, గుండె ఊసులు చెప్పగా
నలుగురిలో నను పెంచే, ఓ గౌరవం దొరికే!
నిజమో కాదో తెలియని, ఈ మాయ జగత్తులో
మనసుకు మాత్రం ఓ తీపి, సత్యం దొరికే!
కొద్ది రోజులే కావచ్చు, ఈ ఆనందం నాకు
జీవితాంతం దాచుకునే, జ్ఞాపకం దొరికే!
మిస్సయ్యానని ఇన్నాళ్లు, మదనపడ్డాడు ఈ 'సూర' నువ్వు వచ్చిన వేళా... నా బ్రతుకు సారం దొరికే!