నీ పిలుపు విన్నా తలుపు తీయని చోట - ఒంటరిగా సాగిపో
నీ ప్రేమ పిలుపున ఎవరూ రాకున్నా - ఒంటరిగా సాగిపో
మౌనమే ముసుగై ముఖం చాటేసిన వేళ
నీ గుండె నిజాన్ని నీవే చాటుతూ - ఒంటరిగా సాగిపో
విడిచి వెళ్ళిన బాటలో ముళ్ళే ఎదురైతే
నెత్తురోడే పాదాలతో వాటిని తొక్కుతూ - ఒంటరిగా సాగిపో
జ్ఞాపకాల తుఫానులో దీపాలన్నీ ఆరిపోతే
నీ విరహ వేదననే వెలుగుగా మలచి - ఒంటరిగా సాగిపో
లోకమంతా చీకటయ్యి దారి కానరాకున్నా
నీ గుండె మంటనే దీపంలా వెలిగించి - ఒంటరిగా సాగిపో
చెంత చేరని వలపుని **'కవిత'**గా రాసుకుంటూ
ఆ విరహ రాగంలోనే నీవు మిగిలి - ఒంటరిగా సాగిపో