మేల్కొనే ఉంది

నిదుర కంటికి దూరమై ఒక వ్యథ మేల్కొనే ఉంది

నిశ్శబ్దపు లోయలలో నా కథ మేల్కొనే ఉంది

చీకటిని చీల్చుకుంటూ ఆశ రేఖ పుట్టగా

కలల కౌగిలి వీడక ప్రతీక్ష మేల్కొనే ఉంది

నీలి కళ్ల మాటున దాగున్న మౌనం పాడగా

మదిని మీటే మౌనపు భాష మేల్కొనే ఉంది

కాలం గమనం ఆగిపోయి లోకం నిద్రపోయినా

నీ రాక కోసం నాలో ఆశ మేల్కొనే ఉంది

ప్రేమ సుధలు కురిసి ప్రాణం తడిసి పోయినా

'సూర' గుండెలోన నీ దిశ మేల్కొనే ఉంది